श्री मळाईदेवी शिक्षण संस्थेच्या स्थापनेनंतर आगाशिवनगर परिसरात एक प्राथमिक शाळा असावी या हेतूने इ. स. २००३ साली स्थापन झालेले आदर्श प्राथमिक विद्यालय व आदर्श शिशु विहार आगाशिवनगर हे आपले विद्यालय आज विद्यार्थ्यांच्या बौद्धिक विकासाबरोबर त्यांचा क्रीडात्मक,गुणात्मक,कलात्मक, अर्थात सर्वांगीण विकास करण्यासाठी सातत्याने अग्रेसर ठरत आहे.

          एक नाविन्यपूर्ण उपक्रम राबवणारी उपक्रमशील शाळा म्हणून नावारूपाला आलेली हि शाळा.  इयत्ता पहिली ते आठवी शासकीय शिष्यवृत्ती, श्री मळाईदेवी शिष्यवृत्ती परीक्षा, एन.एम.एम.एस व सारथी शिष्यवृत्ती,चित्रकला एलिमेंटरी व इंटरमिजिएट, स्पीड मॅथ्स, मंथन प्रज्ञाशोध परीक्षा, इतर सर्व स्पर्धा परीक्षेत उत्कृष्ट निकालाची परंपरा जोपासणारी व अथलेटिक्स, वैयक्तिक व सांघिक खेळांचे तंत्रशुद्ध प्रशिक्षण देऊन विद्यार्थ्यांतील क्रीडात्मक गुणांचा विकास करून त्यांना शारीरिक दृष्ट्या सक्षम बनवणारी व आजच्या स्पर्धेच्या व डिजिटल युगात  अध्यापन तंत्रात काळानुसार बदल करून स्मार्ट टीव्ही द्वारे अध्यापन करणारी आपले आदर्श विद्यालय आज लोकांच्या पसंतीस उतरत आहे याचा आम्हाला सार्थ अभिमान आहे.

           विद्यार्थ्यांच्या सुरक्षिततेसाठी सी.सी.टीव्ही ची व्यवस्था,उच्च प्रशिक्षित शिक्षक,शिक्षिका व भौतिक सुविधांसाठी श्री मळाईदेवी शिक्षण संस्था व विविध सेवाभावी संस्थांची बहुमोल स्वरूपात मिळणारी मदतीमुळे आमचे विद्यालय सरस ठरत आहे.

         याबरोबरच आपल्या आदर्श विद्यालयाचा गुणवत्तेचा प्याटर्णला पालकाकडून खूप  चांगला प्रतिसाद मिळाला. त्यामुळे ५ वी शिष्यवृत्ती परीक्षेत राज्यस्थरावर विध्यार्थी लागले. शाळेच्या नावलौकिकात भर पडली.

         वेबसाईटला भेट देऊन आपण आमच्या उपक्रमांना चांगला प्रतिसाद दिल्याबद्दल  आपले मनःपूर्वक धन्यवाद..